I tū ngā kaiwhakarite mō te Tarati Kerēme Waitangi o Mōkai Pātea

 In Panui

E tauāki ana te Tarati Kereme Waitangi o Mōkai Pātea (Tarati) me te ngākau mahaki i ngā kaiwhakarite matua mō te whakatau i ngā take Tiriti o Mōkai Pātea.

Ko Che Wilson, ko Tracey Hiroa, ko Richard Steedman, rātou ko Tama Potaka ngā kaiwhiwhi matua i poua e te Tarati, whai muri i te tono mo ngā kaiwhiwhi me te tautapa a ngā Rūnanga a-Iwi o Mōkai Pātea me te taunaki a te ohu whakarite.  Ahakoa he uri ngā kaiwhakarite i ngā peka whānui o Mōkai Pātea, ko tā ngā kaiwhakarite te whakawaha i a Mōkai Pātea Nui Tonu.

He uri te katoa o ngā kaiwhakarite nō Mōkai Pātea, ā, he rōpū koiora e kawe ana i ngā wheako whānui me ngā pukenga whāroa ki te tepu whakarite.  Ko ētahi o ngā wheako i ahu mai i te whakatau kereme, te whakahaere iwi, te Pou Arahi, te ringatohu pokapū, te kaitohu pakihi, me te nohoanga tōrangapū ki te rangatōpū ā-rohe, ā-kauwhanga kawanatanga anō hoki.

Ko te mea nui hoki ki waenganui i te ropu ko te mohiotanga ki a Mōkai Pātea, ko te mātauranga o mua, o nāianei, o te whakariterite arumoni, o te whakahaere whakangao, o te anga o te ture kawanatanga me te ārahi i te whakawhanake i te iwi Māori, me ngā take ture ā te Māori

Ko tā te tiamana o te Tarati, ko ta Utiku Potaka, i tautokohia katoatia ngā tūranga mō ngā kaiwhakariterite e te Tarati, “e mihi ana ki ngā kaiwhakariterite katoa, me tā rātou wātea ki tēnei mahi nui”.

Ko tā te tiamana o te Tarati, ko ta Utiku Potaka, i tautokohia katoatia ngā tūranga mō ngā kaiwhakariterite e te Tarati, “e mihi ana ki ngā kaiwhakariterite katoa, me tā rātou wātea ki tēnei mahi nui”.

Ka timata ngā kaiwhakarite i te haerenga nui mō te Whakarite Tiriti i roto i te pou tarāwaho whakatau a te Karauna, me te whai i te tūtohu mātāpono mō ngā iwi o Mōkai Pātea ki te Karauna a ngā 18 marama e heke mai nei.  Ko te kawenga a ngā kaiwhakarite ko te whakarite i te puretumu tika me te whakatau i ngā nawe mō Mōkai Pātea Nui Tonu me ngā take kereme mō te Tiriti o Waitangi

Ko te kawenga o te Tarati ko te mahi whakaruruhau i tēnei tukanga whakatau me te whai taurite i nga mātāpono e rua: ko te kotahitanga o Mōkai Pātea Nui Tonu me te rangatiratanga o ngā iwi e wha o te rohe.

I roto i te tau nei i whakapuaki te Karauna i te tūranga o Katherine Gordon hei Kaiwhakarite Matua mō te Karauna ki the whakatau a Mōkai Pātea.  Kua tū a Katherine hei kaiwhakarite nō te tau 2015.  Ko tana mahi ki tērā tūranga ko te whakaoti i te Whakatau Kereme a Ngāti Rangitihi, a kei te whakarite ia i ngā whakatau mō Te Korowai o Wanuiārua me Taranaki Maunga.

 

Read more about the Mōkai Pātea Nui Tonu.

 

 

Recent Posts